Fathers Day Virtual Run

由新加坡主办嘅虚拟马拉松,所谓嘅虚拟马拉松系可以俾跑步者响指定嘅比赛期间,就算响世界各地嘅任何地方都可以随时随地跑起来,首先,只需要注册成为42Race用户同使用手机下载一个跑步app,跑步数据必须显示移动时间同距离,之后登入42Race个人主页,上传跑步记录,当完成全部步骤后,主办单位将寄出刻上爸爸名字嘅奖牌,超级有意义嘅粑粑节礼物



 
 



泰国hea一下~曼谷 Day 4

***Sab x2 Original Thai Wonton Mee 猪脚饭+云吞面***
4/32-33 Prechburi 19, Prechburi Road Phayathai Ratchathavee Bangkok 10500
+66 2 653 9618
位于Platinum Fashion Mall对面,路牌Soi 19嘅一条街,至于边一间,哈~非常容易辨认,它地门口有一个白板写住(云吞面专家,泰国最好食,天下第一家),哗捞野~感觉上好像有少少大口气,而且长时间有一堆人排长龙,时不时高朋满座,人唔齐唔可以入去坐,所以大马式嘅霸位法系唔可能出现响呢度,食物普普通通,份量有少少细,收费差唔多马币十蚊一碟,老老实实本人觉得并非好像传说中甘回味无穷









***廊曼国际机场***
终于结束四日三夜嘅泰国游,感觉上有少少意犹未尽,真系有一股冲动想再飞一次曼谷,人家仲有好多好料没尝试架!所以返屋企之前,买一个M记猪扒包做完结篇,正啊~~~啊~~~啊






呢一次嘅战利品,大部分系零食为主,哈~冇办法啦!人家系一个食货,围绕身边嘅朋友仔同样系食货,只能够将自己喜欢嘅分享出去咯

Happy Father's Day, Papa!

粑粑系一名铁厂嘅建筑工程师,由于自细爷爷就已经离开,所以嬤嬤一个人撑起一头家,一个女人仔要养活一家五口,仲挨出一身病痛,粑粑系家中大仔,因为唔忍心,早早就已经停学出来社会打工帮补家计,虽然读书唔多,但系知识比其他受教育嘅人更多。

记得小时候粑粑因为外面买嘅木质家私好化学,所以就自己亲手整一张铁嘅书枱俾我,而且家中无论大小事情,粑粑都可以一一解决。虽然睇落去粗枝大叶嘅粑粑,但系永远将我同妈妈摆响首位,照顾到无微不至,最锡我嘅粑粑。。。所以鸡脾打人牙胶软,带粑粑去酒楼吃好料绝对系最好嘅主意,哗咔咔咔~~~粑粑,父亲节快乐,我爱你喔~~~ε٩(๑> ₃ <)۶з












泰国hea一下~曼谷 Day 3

悠闲地度过左两日嘅华欣游,返曼谷开始人多车多嘅节奏,甘岩得甘Q民宿老板娘返曼谷屋企,所以顺便载我地一程,只需要收取mini van嘅价钱,不过我地必须迁就她,泰国时间半夜四点钟出发,好处系避开曼谷嘅塞车,兼且我地有更充足嘅时间,可以四围行行站站吃下几味。
P.S.出发嘅时候,我地真系对老板娘冒起一股又一股嘅敬佩,一个六七十岁嘅老婆婆,揸时速120嘅大型四门农夫车,而且她仲讲话因为载住我地,所以比平时放慢左速度,我地两条水当场吓傻左 (⊙ˍ⊙)





***Lemontea Hotel***
大概早上九点钟左右到达酒店,由于提早左,所以唯有将行李寄放响前厅储藏室,记得当时候因为唔知道酒店嘅位置,我地两条水兜兜转转左一段时间,有少少筋疲力尽,服务员不单准备柠檬水俾我地解渴,而且仲介绍附近吃好料嘅地方俾我地,超级细心





***Pe Aor Tom Yum Kung Noodle 龙虾五宝面***
周一休息,周二至周日10:00-21:00
Soi 5, Khwaeng Khlong Toei, Khet Khlong Toei, Krung Thep Maha Nakhon 10110
662-612-9013
呢一个绝对系曼谷必吃,建议二人吃一碗999 Baht嘅五宝面,毕竟泰国系一个美食天堂,唔使惊品尝唔到好料,所以五分饱就已经可以啦!顺便提一提何为五宝面,它里面嘅材料,犀利咯!分别系龙虾,青口,三文鱼,酿蟹,酿苏东,五种海鲜加上蛋同面 ( ̄﹁ ̄) 流口水ing



饮饱吃醉马上进入我地嘅曼谷day trip自由行,首先。。。哈,献出我地嘅第一次,体验它地嘅motorbike taxi 40 Baht去siam paragon,之后就全程嘅十一号巴士
Siam Paragon - 四面佛 - Big C - Lemontea Hotel - Watergate Pavillion - Talad Neon Downtown Night Market

***四面佛***
由于位置响曼谷市中心,所以时不时发生类似爆炸事件,虽然系非法分子嘅犯案黑点,但系依然香火鼎盛,期间我地仲遇到同样来自大马嘅游客,马上泛起一股同乡情意结,哈


***Talad Neon Downtown Night Market***
门口有一个小型动物园,由于其中有我极度恐惧嘅冷血动物~蛇,所以根本冇勇气靠近,全程漠视它嘅存在,就直接行其他摊位,虽然夜市地方唔大,但系各式各样嘅衫裤鞋袜,手工艺品,吃嘅饮嘅,应有尽有,最后我地响夜市旁边揾左一档吃泰国餐嘅摊位,记得当时候因为语言不通嘅关系,鸡同鸭讲左一轮,最后摊主用手机显示图片,我地就全程“看图说故事”,先之解决左我地嘅晚餐








登登登登~~~香蕉煎饼~~~粉墨登场 Ψ( ̄∀ ̄)Ψ
哈~返酒店路途上,终于俾我遇到期待已久嘅香蕉煎饼,类似我地大马嘅roti canai响平底锅上翻来翻去,最后加上蛋,香蕉,牛奶,朱古力,味道又香又脆,大家有机会去泰国一定要尝试一下,而且记得记得记得趁热吃,因为岩岩完成嘅煎饼系最热辣辣同脆口架 ( ̄﹁ ̄) 继续流口水ing,哗咔咔咔