元宵佳节

适逢元宵节呢一个好日子,我嘅中学同学兼老友曾美祯小姐同她老公仔,决定响呢一日步入他地嘅另一个阶段。。。注册!恭喜恭喜!!!头一次坐响观众位睇人地注册嘅心情果然系唔同滴,比起之前坐响主角位嘅紧张心情,呢一刻自己系包住祝福新人嘅开心心情同有少少觉得原来大家已经开始慢慢步入另一个老公老婆,爸爸妈妈嘅阶段囖!老囖老囖!不过。。。美祯~明年记得记得记得派红包俾我喔!DOUBLE DOUBLE DOUBLE喔!哗哈哈哈~

曾美祯小姐
新郎哥好像有少少怕羞喔!嘻嘻嘻

天宫诞

1PM - 4PM LEISURE MALL
同沙梨妹去SAKAE SUSHI 吃寿司,头一次光临呢一间所谓嘅SAKAE SUSHI,并无我想象中甘好吃,此中觉得ICIBAN BOSHI好吃好多好多好多囖!ICIBAN BOSHI~此中你最好啊!
头一眼睇到嘅就系呢一个电脑点菜,觉得真系几有新意架
先先都唔知道呢一个系咩家伙来架~之后。。。沙梨妹同我讲我先知道原来呢一个系俾热茶用嘅热水来架!真系乡下婆出城啊!哗哈哈哈
SAKAE SUSHI嘅杯
炖蛋~讲真个句真系好鬼死普通囖
手卷~送到台上滴紫菜都已经唔脆口左,差
一样系麻麻地嘅寿司
4PM - 7PM 大少屋企
大少,沙梨妹加我三个人一起赌钱,到最后大赢家竟然系大少,有少少后悔叫他赌钱,并唔系因为输钱嘅关系,系因为睇到大少嚣张嘅样,真系好想打蒦金嘅他叹下,哼~

7PM - 10PM 大姨屋企
我大姨屋企摆天宫诞宴请我地滴亲朋戚友去她屋企吃野,我就顺便去个度吃野,饮野加攞红包喇!唉~甘就话一个礼拜新年过去式,听日就开工大吉喇!恭喜恭喜~大家系时候收拾心情啦!

人人生日

1PM - 5PM 外公外婆屋企
外公特灯响屋企宴请左他滴兄弟姐妹(我滴姨妈姑姐)返来屋企捞生,前几年新年都几仔仔一堂,但系随住时间嘅流逝,嫁嘅嫁,娶嘅娶,仲有好多已经去埋添,所以可以坐埋一起吃饭嘅人真系一年少过一年啊!唉~真系人面全非囖!

5PM - 7PM 口记
一样嘅情况,往年新年嘅时候,衰衰地都有两围台吃饭捞生,点不知今年竟然连一围台都唔够,哗~明年会唔会只系得我同大少两个人捞生架!你地唔好甘啦!唔系成日都可以大家聚埋一起吃饭架!点解~吃一餐饭又唔系晒你地好多时间,八个人捞生真系好唔热闹架!惨~

7PM - 12.15PM 大少屋企
依然系打牌嘅打牌,睇戏嘅睇戏!


12.15PM - 2.15PM TIMES SQUARE
新年指定动作,睇戏。。。72家租客!

P.S.正~呢一套戏值得一睇,几爆笑,大家可以去捧一捧场,五粒星有四粒星,可以话爆笑爆灯架!

年初六

唉~点解,点解,点解全部人都响过年期间去旅行,而我就留响KL无无聊聊甘过年,真系真系真系好惨啊!本来我都唔系好唯意,直到今日收到人地旅行返来嘅手信时,先之发觉好多人去旅行,而自己竟然边度都无去啊!唉~

MADE IN PHUKET
MADE IN HATYAI
MADE IN HATYAI

帝王鸡



材料:
纪子
蚝油
黄酒
一包帝王鸡药材包

做法:
  1. 将所有嘅材料捞埋一起擦匀成只鸡身,帮它做一轮BODY MASSAGE,有剩嘅就攞来倒响它嘅五脏六腑内边。
  2. 放水放鸡落嘅窝头度蒸大概一个钟头左右,攞起,等它冷冻之后放落雪柜。
  3. 隔日之后攞出来,再蒸大概一个钟头左右,攞起,吃~

年初四火镬自助餐

要两张台先可以摆晒所有野,今次仲唔吃到你地赖屎,哗哈哈哈

今天,今天,星闪闪。。。(阿辉少响度再歌又再舞啊)

我地嘅战场

大家饮饱吃醉,依家响度等。。。O,嘻嘻嘻

马打,马打,快滴CALL马打来拉晒呢一班烂赌鬼

寂寞老人。。。MOKAI昌

放孔明灯许愿,希望你地滴钱变晒我滴钱,我滴钱依然系我滴钱,哗哈哈哈

大家快滴同孔明灯讲拜拜啦

赤狗日之禁忌


唔讲你地可能唔知道,我上网SEARCH过先知道,原来过年都有好多禁忌,例如。。。

年初一已嫁女人系唔可以返娘家,因为如果响呢一日返娘家嘅话,系会将娘家吃穷,所以就要等到年初二之后先可以返去喇!而年初三(赤狗日)就尽量唔好去人地嘅屋企拜年,免生口角!

仲有就系唔可以扫地,倒垃圾,听闻话惊扫走滴财富,仲有仲有就系唔可以讲滴唔岩听嘅说话,比如话滴有破,坏,死,穷嘅字眼就尽量唔好讲喇!仲有仲有仲有就系过年期间唔买鞋,事关鞋同唉嘅广东音相似,仲有。。。好多好多好多嘅禁忌,你地可以自己上网睇睇啦!嘻嘻嘻~好像好不负责任甘啊!

年初二返娘家

2PM - 4PM 外公外婆屋企
年初二,相传滴出嫁嘅姑娘必须响呢一日返娘家见一见自己嘅爸爸&妈妈,而我就每一年都系跟住我嘅爸爸&妈妈返我妈妈嘅娘家同我嘅外公外婆拜年,当然今年都唔另外囖!返到外公外婆屋企之后,就开始我地嘅例牌动作,吃饭,敬茶,攞红包加赌钱囖!唉~真系年年都系甘样,一滴新意都无啊!

4PM - 9PM 大少屋企
ANDY,DESMOND,DEXTER,EUGENE,GOEY,JUSTINE,NIXON班猪朋鼠友一个个陆陆续续甘来大少屋企打牌嘅打牌,睇戏嘅睇戏,差唔多逗留到肚子饿先之离开去揾野吃!

9PM - 11.15PM 龙的传人
去LEISURE MALL龙的传人吃拉面同我嘅之爱‘上海小笼包’,正啊!

11.15PM - 1.15AM PAVILION
新年指定动作,睇戏。。。花田喜事!

1.15PM - 4PM 大少屋企
真系唔可以唔佩服大少他地,睇完戏仲可以返屋企继续他地嘅下半场。。。打牌,而我呢半个女主人,咪唯有舍命陪君子囖!但系。。。我只能够维持到凌晨四点钟就宣布投降,而他地竟然敢敢死打到早上七点半左右,我真系想报‘马打’拉他地去剃头啊!

苦命嘅大年初一

9AM - 9PM 新佛世界素食馆
一大早八点钟就要起身去‘新佛世界素食馆’帮手,无办法,鬼叫我自己今时今日以为人妻,所以理所当然就要去帮自己嘅所谓‘奶奶’,哗哈哈哈~呢一个名词真系好鬼死搞笑囖!之后嘅时间就系做做做,不停甘做啊!不过过程中都有唔少搞笑野,就系我最记得嘅。。。有一个客仔ORDER一壶茶,他竟然叫我隔一轮水,唉~大姐啊!呢滴甘嘅非常时间就唔好搞甘多野,你竟然饮茶都甘讲究嘅话,不如去茶均囖!嘻嘻嘻,不过虽然系甘样念,但系最后我都有帮个客仔隔一隔水,点讲客仔都系岩嘅,所谓全力以赴做到最好啊嘛!而我同大少就甘样做下做下做到差唔多三点钟左右先之吃我地嘅头一餐应该系早餐嘅午餐,真系做到我地趴街啊!依家我先之知道点解我嘅‘奶奶’成日都话做咩都好,千其唔好做吃,如果唔系就真系得个做字架喇!

9PM - 11PM 大少屋企
返屋企冲个凉,休息一下又话要出发囖!
11PM - 3PM KENTSON'海龟'屋企
去到海龟屋企就依然系同往年一样,打牌嘅打牌,饮酒嘅饮酒,之后就一定系睇边一个呕囖!哗哈哈哈~好像好黑心甘啊!不过。。。年年都系个一个,咪就系呕吐生囖!点不知他今年竟然无呕,唉~真系大失所望啊!不过不过。。。仲有好多日先到年十五,可能好快就会俾我地等到叻!嘻嘻嘻~

年三十晚

大少嘅指定动作。。。打机

无无聊聊甘自己同自己影相
2010嘅头一日影返一张合照先,吖~点解大少你目无表情架

9AM - 11AM 半山芭 买颜料帮我嘅头发扮靓靓加买短裤俾我嘅父王等他过一个大“裤”大贵嘅新年!

11AM - 1PM 时代广场
好努力甘揾滴有关指甲画花纹嘅铺头,点不知揾左差唔多两个钟头左右都系得个吉,事关唔系已经收晒工,就系飞天价钱,手手脚脚成三百蚊,真系!@#¥%!

1PM - 3PM LEISURE MALL
揾左两三间,终于俾我揾到呢一间价钱都算合理啦!因为今日系年三十晚夜,所以都已经有心理准备会俾人劏到一颈血嘅囖!

3PM - 11.30PM 大少屋企,自己屋企
返到大少屋企都已经系筋疲力尽,呢一个礼拜差唔多日日都好忙,唔系忙公司滴野,就系忙屋企滴野,我嘅电力都已经用得七七八八囖!

等大少出去交多少野俾人,之后就送我返屋企吃唔系团圆嘅团圆饭,点解甘样讲,事关我嫲过身都咪对年,所以今年我地唔可以派红包俾人,屋企都唔可以太铺张,唉~一念起听日唔可以同我嫲讲‘身体健康’,就觉得好哀伤啊!

不过有一样野我真系唔可以唔提一提,就系我嘅母后竟然可以一个人煮成八样菜,系唔系好犀利叻!我一睇见嘅时候真系吓到傻左,都唔知呢一种系女人嘅本事之处定系我嘅母后系千手观音来架!

以下嘅菜系我母后一个人一手包办架!犀利。。。









11.30PM - 1.30PM PAVILION新年指定动作,睇戏。。。锦衣卫!

1.30PM - 3.30PM OLD TOWN, 阿辉‘初记’茶室
睇完‘锦衣卫’之后,大家都好像意犹未尽甘继续我地嘅下半场,饮茶,先先念住去OLD TOWN,点不知去到友力OLD TOWN嘅时候,真系高朋满座,人山人海啊!所以最后我地就转地头去阿辉嘅‘初记’茶室,饮下饮下甘就话三点半喇!

手脚扮靓靓

真系年三十晚就俾人劏到一颈血,无变,鬼叫自己贪靓咩!手手脚脚俾人搞一搞就话要成一百四十八,先先都觉得好心痛,但系之后俾个位靓仔又话磨脚皮又话磨手皮甘,睇见人地甘辛苦帮你搞依样搞个样,我自己都觉得好像唔多好意思,所以靓仔,一百四十八系你应得嘅。。。