信不信由你

大概一个礼拜前嘅某一个早上,我老妈子无段段同我讲起:
女啊女,我同你讲喔!三日前早上五点
钟左右,有邻居去晨运嘅时候,远远就睇到有一个“人”响我地屋企门口度行来行去,但系邻居行到我地屋企门口嘅时候,就唔见左个一个“人”啊!而我听她地形容个一个“人”嘅样,就好像你自杀死左嘅阿公啊!
而我听完之后嘅第一个反应就系(哗~
老妈子,你使唔使神早喽喽咁刺激喔~虽然依家系日光日白,但系你都唔好咁样来吓自己嘅女啊~)之后,我老妈子仲要同我讲话唔好俾我老豆知道,事关我老豆他老人家比较惊死兼惊鬼架!虽然~我觉得只要“平生不做亏心事,半夜敲门也不惊”,但系我都没至于系一个胆生毛嘅人,所以。。。妈啊妈,你知唔知道你依家搞到你宝贝女我念起都觉得毛管栋啊!好心,七月十四就唔好讲滴咁恐怖嘅野来吓人啦!
我以上所讲所闻嘅的的确确系真人真事,并非我个人自己自编自导出来,而信不信就由你喇!!!

1 comment:

Puddycat Mei Ai said...

不要吓阿猫~~会怕啦