索命

~真人真事~

一年一度嘅端午节,我同大少返娘家吃晚饭,原来个一日除左我地一家四口之外,仲有我叔,姨,姨丈,我爹嘅同事A加同事B一家人

话说,我手术前,我叔因为揸摩哆车发生好严重嘅意外,所以就拜托同事A(他兼职乩童)帮我叔查一查今年运程

同事A:你今年运程好差,冲太岁,有血光,甘嘅事情将会再发生,要去拜太岁,做多D善事 

当时候我半相半疑,心内边念有无甘准,我就唔系好信囖

隔日,我载我娘放工,我娘一睇到我就好紧张甘同我讲述禽晚发生嘅一件恐怖事情,又话说 ,禽晚我走左之后,同事B娘子接到妹嘅电话,话男朋友去关丹钓鱼,钓鱼中唔知道因为咩跌落水,就自己跳落水搵,之后就失踪左,朋友试过落水搵兼搵人帮手打捞,都依然一无所获,在无办法之下唯有请同事A帮手查一查他到底是生是死

同事A:同事B娘子,希望你有心理准备,他应该凶多吉少,如果你要清楚D,你就跟我返济公庙请济公上来问清楚 

我爹,我娘,同事B一家人同妹就一起跟同事A返济公庙,同事A就请济公上自己身体

同事A之济公:唉~呢一个人已经落左阴间,因为我唔系管人嘅生死,所以你最好请黑无常上来问清楚他嘅情况

同事A之黑无常:他的的确确已经落左阴间,而且连条尸都搵唔到

同事B娘子妹:请你帮帮他,我唔可以俾他客死异乡甘可怜,请你帮我搵返他条尸,求下你

同事A之黑无常:好,你俾我少少时间(之后黑无常就用刀割俐,用伞担阳等等,一轮功夫后)我已经搞掂晒,宜家你地唔需要再搵,只会徒劳无功,等听日一朝早,他条尸就会自己浮返上来

当我娘讲述完一伦禽晚嘅恐怖经历之后,我已经开始毛管冻,但系 ,最恐怖嘅系。。。

我娘:女,刚开始我都唔系好信,点不知今日一朝早六七点嘅时候,他条尸真系自己浮返上来,你话几甘恐怖啊!!!

*****小猪女一直以来都好反对大少同朋友去钓鱼, 原因唔系小猪女想抹杀他去消磨时间,而系我觉得钓鱼系一种对被钓嘅鱼所挤压嘅怨气,鱼都系一种生命,将心比心如果你系它,你俾人钓俾人劏,你。。。会无怨气吗???我地可能做唔到唔吃肉,但系可以嘅话自己都唔好去做杀手,抹杀它地生存响呢一个世界嘅意义!妹嘅男朋友到底系俾被钓嘅鱼所挤压嘅怨气定系遇到水鬼索命,又或者纯属意外,我就不得而知喇*****

No comments: