Steamyx搞咩鬼喔

依排都唔知STEAMYX搞咩鬼，一系就成日都上唔到网，再唔係DOWNLOAD唔到戏，之从上一次我居然要用三日三夜来录一集‘星星同学会’开始，已经差唔多成个月都维持咁嘅情况，依秒嘅心情真係可以用非常之恶劣来形容我自己！先先念住可能係屋企嘅线有问题，点知道响公司都係一样，依次真係孙悟空七十二变都无得变！最把鬼火嘅係次次上网都睇到个电脑银幕出现‘THE PAGE CANNOT BE DISPLAYED’呢一个字眼，真係佛都有火啊！依排香港仲推出一部超好睇嘅电视剧叫做‘烈火雄心3’（之前嘅第一同第二我都有睇，我个人认为呢一部都算唔错嘅戏来架），点知道依家咪真係得个睇字，不过好奇怪嘅係无知点解滴台湾电视剧就反而无咁嘅问题，莫非我搞错咗其实唔係STEAMYX嘅问题。。。。。

我嘅2009年生日

礼拜生日都已经好几日，依家先有时间UPLOND滴相上来，真系有滴无好意思！对于我来讲都算系一个几特别嘅生日，事关今年系我嫁左人之后第一个同老公过嘅生日!

呢一张系我同我老公今年六月三号注册影嘅相！（张相被我手多多做左少少手脚）

拜四个日我班同事就已经请我去‘不见不散’吃野（虽然上一年都系响个度吃，不过都要多谢他地），隔日我个同事AH MAY仲特登买左只CAKE来帮我庆祝，真系真系好唔话得！(事关当日又肚饿又赶住返屋企所以无影到相比大家睇，大家就意思意思将就下啦！之余生日当日就理所当然系同我个大少庆祝啦！我地成八点钟左右先之出门口去THE CURVE睇睇有咩吃（我地都系第一次去个度，KL人居然无去过，笑死人啦！）行左好耐最后先决定去FRIDAY度吃，睇它嘅样好像好好吃，点知道滴野麻麻地！

事关好肚饿，所以笑得有少少牵强

睇我个大少嘅样就知道呢一碗蘑菇汤好唔好吃啦

我同我个大少

呢两杯係士多啤梨汁同黄梨汁，味道都算唔错！

呢一碟係我叫嘅咯咯鸡扒，几精致不过滴味道就真系麻麻地！

呢一只係我嘅猪友丽君夜麻麻十二点钟特登囖来我屋企比我嘅生日CAKE

响我生日个几日好多谢我班猪友（丽君，GOEY，JUSTINE。。。)同我嘅乾妹（KIT YANN)SEND SMS来祝我生日快乐 ,仲有我班响FACEBOOK度识嘅朋友！

巨蟹座的由來

今日又係我一年一度嘅大日子，可悲嘅係我又老咗啦！依几日上网看到一篇关于‘巨蟹座的由來’个时先发觉原来我嘅星座係咁样来，话说有一条粉肠叫宙斯嘅所谓神仙同人间一位女子叫阿克梅妮生咗个子叫海格拉斯，海格拉斯后来又同一个叫德貝嘅公主结咗婚（好Q复杂），他地生咗个BIBI就过住一滴好美满嘅生活。由于宙斯嘅老妈子咀咒他地（可能唔低得人地幸福而他又得闲无嘢做），海格拉斯竟然亲手杀自己老婆，之后自己就想自殺（哗，人间惨事一次过发生，真係好惨喔），跟住个条叫宙斯嘅粉肠居然大条道理咁话为咗比海格拉斯好过点，就封他做咩耶里斯特斯王但係他就必需经历十二个大冒险行动（好像西游记咁样），其中有一样係制服住响沼澤中的怪物萊爾納(Lerna)。话说萊爾納係一只有九个头嘅巨蛇（哗，九个頭咪好恐怖咯），他就住响沼澤附近一个洞窟內（做咩咁像THE LORD OF THE LING嘅），双方经过一轮激烈打生打死，就给一只住响沼澤中嘅大巨蟹看到萊爾納好惨（自己嘅‘朋友’比人杀自然就一定要帮嘅啦，果然好有义气），就跳出来咬海格拉斯只腳（海格拉斯係好人来咖），结果只巨蟹居然比唔知係边一个踩碎咗（可怜嘅巨蟹咁有义气都要死，惨），而他嘅朋友萊爾納都被制服咗。宙斯嘅老妈子因为只巨蟹咁有义气而感觉到内疚就帮只巨蟹响天上设立咗巨蟹座(算他仲有少少良心，巨蟹你可以安息啦）！

‘我身体比你好，你死得比我早’

短短七个月时间我身边已经有三个好亲嘅人离开，我嬤，我舅公同我姑婆，四月二十七日早上八时三十分，我永远都唔会忘记呢个日子同呢个时间，呢件事对于我来讲係我一生难忘又不能够接受嘅！一个一手一脚照顾我长大嘅人-我嬤宣布不治，当我听到我妈打电话给我，同我讲呢个消息嘅时候，我几乎可以用不知所措来形容，从上年我地知道我嬤有病开始，由我地抱住期望到失望，我地一家人就开始希望她走嘅时候可以走得舒服滴，唔好有任何痛苦同牵挂！当时候我会念如果到我地老嘅时候身边个伴先我地而去，咁最后留低嘅人咪好惨，又要自己好好生活下去又要忍受你嘅伴离你而去，真係真係好惨喔！而我姑婆嘅离开就係一个人版，事关当时候我姑婆係冲冲下凉无段段就咁死咗，而我姑婆嘅伴同她屋企人可想已知就不能够接受呢个事实，最后她嘅伴仲因为受唔住打击而走去自杀，当时候好彩有人响屋企，如果无係真係唔敢念会点！其实他嘅心情有几多人可以理解，其实走嘅人并唔系最痛苦，无走嘅先係最惨嘅！所以‘家好月圆’嘅名句真係真係好有道理，咪就係‘我身体比你好，你死得比我早’咯，但係试问世事又点可能咁如意叻！