扑克王

礼拜六嘅上昼我同大少两个人走左去MID VALLEY个度换香港钱加睇戏，其实我地嘅主要目的系要去个度换香港钱，事关我嘅父王话个度换钱好高好高喔！于是我地就二话不说就飞去个度换到换唔切喇！最后系两个人RM 4005换HK 9000，唉～一大叠RM 50纸先换到9张HK 1000纸，惨啊！点解香港要出甘大张银纸，搞到我地好像换左好少钱甘啊！（嘻嘻嘻～本人有少少心理作用）

话返转头本来我地系念住特灯去MID VALLEY换香港钱，但系念念下好像有少少无聊，最后咪决定不如顺便睇返一场戏，所以大少就响前一晚上网买飞睇‘扑克王’，我之前已经好想好想睇，一来系搞笑戏，二来系呢一套戏内边有好几个演员系我个人几中意架！睇之前好担心呢一套戏唔好睇，因为最近有好几套古天乐嘅戏，我本人都有去戏院捧场，不过就唔系话几好睇，而已仲好像无咩惊喜甘囖！
不过。。。睇完呢一套戏之后嘅感想就系都算唔错，起码系发觉古天乐同刘青云嘅演技又更上一层楼喇！大家不妨去支持支持一下，都可以话几搞笑架！五粒星我个人俾三粒星。。。