年三十晚

大少嘅指定动作。。。打机

无无聊聊甘自己同自己影相

2010嘅头一日影返一张合照先，吖～点解大少你目无表情架

9AM - 11AM 半山芭 买颜料帮我嘅头发扮靓靓加买短裤俾我嘅父王等他过一个大“裤”大贵嘅新年！

11AM - 1PM 时代广场
好努力甘揾滴有关指甲画花纹嘅铺头，点不知揾左差唔多两个钟头左右都系得个吉，事关唔系已经收晒工，就系飞天价钱，手手脚脚成三百蚊，真系！@#￥%！

1PM - 3PM LEISURE MALL
揾左两三间，终于俾我揾到呢一间价钱都算合理啦！因为今日系年三十晚夜，所以都已经有心理准备会俾人劏到一颈血嘅囖！

3PM - 11.30PM 大少屋企，自己屋企
返到大少屋企都已经系筋疲力尽，呢一个礼拜差唔多日日都好忙，唔系忙公司滴野，就系忙屋企滴野，我嘅电力都已经用得七七八八囖！

等大少出去交多少野俾人，之后就送我返屋企吃唔系团圆嘅团圆饭，点解甘样讲，事关我嫲过身都咪对年，所以今年我地唔可以派红包俾人，屋企都唔可以太铺张，唉～一念起听日唔可以同我嫲讲‘身体健康’，就觉得好哀伤啊！

不过有一样野我真系唔可以唔提一提，就系我嘅母后竟然可以一个人煮成八样菜，系唔系好犀利叻！我一睇见嘅时候真系吓到傻左，都唔知呢一种系女人嘅本事之处定系我嘅母后系千手观音来架！

以下嘅菜系我母后一个人一手包办架！犀利。。。









11.30PM - 1.30PM PAVILION新年指定动作，睇戏。。。锦衣卫！

1.30PM - 3.30PM OLD TOWN, 阿辉‘初记’茶室
睇完‘锦衣卫’之后，大家都好像意犹未尽甘继续我地嘅下半场，饮茶，先先念住去OLD TOWN，点不知去到友力OLD TOWN嘅时候，真系高朋满座，人山人海啊！所以最后我地就转地头去阿辉嘅‘初记’茶室，饮下饮下甘就话三点半喇！