好听滴就叫做直肠直肚加有性格，唔好听嘅话咪叫做神台猫屎神睁鬼厌囖！有时候会因为我自己滴甘嘅死人性格而另到我老妈子扎扎跳，试问有边位唔想做一个听教听话嘅孝顺女喔！只不过。。。孝顺女并唔系我自己大大声讲一句‘我要做孝顺女’就可以做，又唔系买菜甘简单！改变一个人真系好像做戏甘容易咩？一年前我可能会同人地讲三岁定八十，而我自己自问唔系个一种戴住面具做人嘅人，
我唔识得见人讲人话见鬼讲鬼话，所以我老妈子对住我有时候都会觉得好头疼！
但系随着呢一年发生响我身边嘅事，我开始同我嘅屋企人有左少少嘅改变，并非系我嘅死人性格改变左，都并非系我已经开始知道点样戴住面具做人，而系我开始慢慢觉得有好多野如果依家唔好好珍惜，可能以后你都无甘嘅机会，所以依家我都会用滴温和滴嘅语气来同自己嘅屋企人沟通同关心他地多一滴，之后先发觉原来甘样嘅相处方式真系会好好多，起码依家大家嘅话题都会多左好多好多！以前可能我同我老妈子三日无埋两日就会吵一吵，事关我老妈子都同我一样甘火爆！
（嘻嘻嘻，所谓有其母必有其女咪就系呢一种囖）依家我同屋企人嘅关系就好像好朋友一样，呢一种改变左嘅关系系我觉得开心架！起码我知道我老妈子都感觉得到我地之间嘅改变，而她可能系因为甘样而嘅人都开心左，
希望甘样嘅关系可以一直保持落去！
No comments:
Post a Comment