两年后的第一次旅程~曼谷Day 3

第二日与第三日嘅行程几乎一模一样,除左狂食狂扫,我地好像漫无目的,哈~无办法,曼谷实在“泰”好扫,衫裤面料鞋袜质量都真心地觉得无得弹,而且唔会贵,50蚊以下嘅价钱,本地根本无办法购买得到,所以就算冒着行李超重嘅风险,我地都义无反顾地买买买~~~

📌7-11
除左本地嘅7仔,其余国家嘅7-11,各式各样小食选择都非常繁多,以下为各位隆重介绍泰国7-11必吃:Sausage Cheese Croissant Sandwich同Shrimp Dumpling,超级无敌好吃\(^o^)/~






📌Sabx2 Wanton Mee 云吞面、猪脚饭
呢一间餐馆系本人每一次曼谷旅游都一定一定一定会排队帮衬,因为真心觉得好吃,它地嘅^(* ̄(oo) ̄)^脚又肉绵又入味,值得大家排队等候,店铺已经由旧铺19巷搬到15巷,记得唔好串错门喔









泰国街头小食都非常好吃


呢一间按摩店铺岩岩响云吞面、猪脚饭隔离,推荐


📌麦当当猪扒包
呢一个相信唔使我介绍,经过数小时Platinum Fashion Mall由上至下地毯式狂扫货之后,团友们决定来一个泰国必吃~麦当当猪扒包,因为。。。本地Mcdonald无猪扒包供应,所以泰国嘅猪扒包变成我地大马人嘅一道美食,O(∩_∩)O哈哈哈~

📌Streetfood Market Central World
经过左两日嘅扫货模式,我地嘅11号巴士宣告KO,所以晚餐随随便便见到一个类似小食市场就盲中中行入去医肚,打算晚餐之后冲去Big C继续冲刺,点不知道呢一个地方D食物不单只系麻麻地而且价钱昂贵,切切实实嘅劏游客

泰国必买~NaRaYa曼谷包

最后一晚嘅曼谷,虽然劳累但系开心,满载而归嘅感觉,So Good


两年后的第一次旅程~曼谷Day 2

第二日嘅行程基本上系扫货,扫货,扫货,不停地扫货,刺激泰国经济模式正式启动

📌GO-ANG PRATUNAM CHICKEN RICE
米其林餐馆之一,感觉上曼谷稍微有名嘅餐馆都人山人海,排队已经系一行非常平常嘅事情,其实本人对于白斩鸡真系唔系非常友爱,不过出门在外咩食物都试一试嘛




📌CHATUCHAK MARKET
今日嘅重点推荐,乍都乍周末市场,亚洲最大跳蚤市场,扫货热点,记得N年前曾经一次前往呢一个地方,记忆中超级无敌大,而且非常多林林总总嘅手工艺品,家具摆设,本打算呢一次可以大扫特扫,为新居铺路*\(^_^)/*,点不知道。。。今时今日嘅乍都乍市场已经面目全非,每一个摊位几乎一模一样,卖男装T-Shirt居多,另外,可以的话奉劝大家尽量唔好响呢度享受你地嘅脚底按摩,实在马马虎虎








P.S呢一个食档必吃喔!真心觉得好好吃,苏东鲜爽弹牙,泰式辣椒酸酸辣辣,劲滋味,开胃辣!正啊

📌JODD FAIRS
呢一个地方刺激咯!
话说当晚战利品欣赏完毕,打算出门口享受一个火辣辣嘅“火山排骨”,突然间狂风大雨,落狗屎,等待N个世纪之后,雨势稍微细少少,跟住我地决定经历一个浪漫嘅雨中飞Tuk Tuk,开心到无朋友。画面马上转换至Jodd Fairs,正当大家踏出自己优雅嘅步伐打算直达食档,点不知道。。。雨势越来越大,积水越升越高,8个人嘅Adidas / Nike / Puma波鞋眼见猪笼入水,最后门口嘅拖鞋地摊变成我地嘅一道曙光,我地蜂拥而上,卖主一度以为我地系劫匪,哈哈哈~过程实在难忘,但系相当开心O(≧▽≦)O