鲍鱼鸡汤面

材料：

四只鸡腿

四粒鸡蛋

一包菜心

五包面

一包鲍鱼炖鸡汤料

做法：

1. 将鸡腿，鸡蛋，鲍鱼炖鸡汤料一起放落煲度煲两个钟头左右。
2. 两个钟头之后，将鸡蛋捞起，去壳。
3. 再滚一滚热水将滴菜同面滚熟。
4. 最后，将已经炖好嘅鲍鱼鸡汤，菜加埋面捞一捞，搞掂～吃吃吃。。。

新屎坑

成日都听滴老人家讲我地滴后生仔女‘新屎坑三日香’，而今日我同陈小姐就应左滴老人家嘅说话，起起做对后生女去厕所度吃屎，试一试呢一间所谓嘅新屎坑系唔系真系得三日香，定系可以日日甘芬香。。。

台面系用我地日日檫牙洗面嘅洗面盆做出来架

面盆台同屎坑凳

陈小姐浴缸之SPARE RIB STEAM RICE

露天花洒

STRAWBERRY YOGHURT SHARE

呢一杯野几唔错，有机会真系可以试一试

MUSHROOM SOUP WITH GARLIC BREAD

呢一碗野本来都几唔错，不过就唔够热辣辣，仲觉得有少少冻囖

小猪女浴缸之HONG KONG BARBEQUE STEAM RICE

二人尿兜位

开放式私人浴缸

露天屎坑

T-BOWL嘅金字招牌

P.S.呢一个新屎坑滴屎都几唔错下，只不过滴WAITER就。。。无礼貌，阿崩叫狗越叫越走，难道你地唔知道你地今时今日甘嘅服务态度系唔得嘅咩，好心就检讨一下囖！

肉骨茶

‘本是同根深，新建何太急’

我今日竟然做出滴对自己同类下毒手嘅行为，我真系真系觉得自己好衰囖！唉～猪大哥猪大姐，请你地传下有知原谅我嘅无知，我日后一定会好好甘为你地拜拜，求南无阿弥陀佛，观世音菩萨，玉皇大帝可以俾你地下一世做人！为左表示我对你地嘅惬意，我专诚为你地准备左一场级庄严嘅送别仪式，请大家细心地欣赏一下我为他地准备嘅一切，多谢晒。。。哗哈哈哈！

材料：

三支排骨加一大块花腩肉

三粒蒜头

一罐蘑菇

一包金针菇

一包豆卜

一包腐皮

一包A1肉骨茶香料

做法：

1. 将排骨，花腩肉，蒜头，A1肉骨茶香料一起放落煲度煲。
2. 加调味料，分别系两匙羹老抽，三匙羹蚝油，五匙羹生抽，少许嘅盐。
3. 所有嘅野搞掂之后，煲两个钟头左右，最后放蘑菇，金针菇，豆卜，腐皮再煲一煲，‘本是同根深，新建何太急’之肉骨茶搞掂。

P.S.肉骨茶最重要系有灵魂，而他嘅灵魂就来之于，我嘅之爱。。。油炸鬼！！！

猪言猪语

风光大葬

今日一早六点钟左右就已经起身去大少伯婆嘅丧礼，一到达现场就俾个度嘅情景吓一跳，点解。。。事关我从来没见过甘夸张嘅仪式，又纸扎桥又踩高桥甘啊！就连拜祭嘅祭品就有十五只鸡，两只乳猪，仲有水果中嘅果王榴莲同果后山竹等等等等。。。而且孝子孝女就已经有成五十人++加乐队二十五人++，上山前同上山后都有茶水供应，仲有仲有。。。有专人煮大镬饭，一共五餸一汤，真系可以话系风光大葬囖！

纸扎桥

呢一个系煮俾我地吃嘅大镬饭
人山人海

踩高桥
前面嘅全部都系亲朋戚友，后面仲有好多包尾嘅人跟住来架

Citibank之赠品

个日邮差叔叔打电话俾我话有我嘅邮包，但系由于我唔响屋企，所以他就打算由屋外掉入屋内，我先先都唔知系CITIBANK寄俾我嘅相机（申请信用卡嘅赠品），所以就傻下傻下甘应承左他喇！如果我知道个一个所谓邮包系相机嘅话，当初就一定一定唔会俾他甘样做，大佬啊～相机甘样掉入屋内唔烂都已经偷笑囖！不过。。。好彩并无任何损伤，事关CITIBANK嘅人好聪明地将相机用一程又一程嘅盒同纸袋包到好像粽甘样，所以本人响呢度好衷心甘多谢CITIBANK嘅服务人员，你地果然好好SERVICE，起码好细心地做晒所有嘅安全措施囖！

手信

古唔到圣诞节都已经过晒，我竟然仲有礼物收，嘻嘻嘻～好明显响呢度晒命囖！哈哈哈～唔好意思，我其实系好开心可以收到你地嘅手信，起码你地去旅行都会挂住买野俾我，真系真系好多谢呢几位‘善长人翁’啊！响呢度同你地讲一声多谢，谢谢，TERIMA KASIH，THANKS YOU。。。

善长人翁：SALLY

善长人翁：管家大小姐（我老妈子）

依然系管家大小姐

依然依然系管家大小姐

依然依然依然系管家大小姐

呢一个就巴闭囖！本来系我拜托我老妈子帮我买，而她就。。。不负我所望买左返来，而我就。。。折折博唔多觉唔俾钱囖！哗哈哈哈

善长人翁：管家三小姐（我契妈妈）

善长人翁：管家二小姐（我大阿姨）

沙拉

杂菜沙拉（三十人）

材料：

一粒包菜

一条红萝卜

三粒洋葱头

做法：

1. 红萝卜，洋葱头去皮同包菜一起切碎。
2. 将所有切碎嘅材料捞埋一起加美乃糍，盐，胡椒粉，完成。

荷兰薯沙拉（三十人）

材料：

三粒洋葱头

三条红萝卜

六粒鸡蛋

六条黄瓜

十二粒荷兰薯

做法：

1. 洋葱头，红萝卜，黄瓜去皮切碎。
2. 荷兰薯去皮同鸡蛋一起煲熟压碎。
3. 最后将所有切碎压碎嘅材料捞埋一起加美乃糍，盐，胡椒粉，完成。

1月1日新年婚宴

呢一个1月1日嘅新年婚宴都可以用四个字来形容囖！“不知所谓”

一个无敬酒嘅婚宴内边有一个无同我地饮酒嘅新郎哥加一个完全无来同我地打招呼嘅新娘子，连我地一大班人吃完野都无话同我地掂一下嘅手仔多谢我地嘅光临啊！莫非呢一位新郎哥连少少嘅人情世故都唔懂得，竟然你系甘唔想应酬人又何必摆酒，旅行结婚咪算囖！

我地一大班中学同学一共三围台由婚宴没开始到结束，叫个一位烂巴闭嘅新郎哥同我地饮酒就好像大佬腌契弟甘，他老人家到最后先之应酬我地个一杯半杯，他仲要系觉得好像好俾足晒面我地甘，好心～我倒都倒左囖！

讲到同我地影相，他仲唔话得，等到全部人走晒，他先勉为其难来同我地影个几张相，你以为你系大明星啊！我！@#￥%，你自己影埋我个份囖！

头一次睇到人地摆酒，竟然出滴甘嘅野俾我地吃，真系真系多谢晒你呢一餐囖

KETSON嘅仔仔都唔HAPPY大喊走人啊

我地有我地HAPPY之女子组加“爸爸妈妈”
我地有我地HAPPY之女子组

哗～大少好醉喔

大少你咩事喔

大少：主啊，请你赐我一餐比较像样滴嘅晚餐啦

我地有我地HAPPY之男子组
哗～甘差嘅晚餐都可以吃到甘嘅肚出来，犀利

全部人走晒先过来同我地饮个半杯红酒，仲要系三围台饮半杯，你都咪话他唔俾面囖