两年后的第一次旅程~曼谷Day 2

第二日嘅行程基本上系扫货,扫货,扫货,不停地扫货,刺激泰国经济模式正式启动

📌GO-ANG PRATUNAM CHICKEN RICE
米其林餐馆之一,感觉上曼谷稍微有名嘅餐馆都人山人海,排队已经系一行非常平常嘅事情,其实本人对于白斩鸡真系唔系非常友爱,不过出门在外咩食物都试一试嘛




📌CHATUCHAK MARKET
今日嘅重点推荐,乍都乍周末市场,亚洲最大跳蚤市场,扫货热点,记得N年前曾经一次前往呢一个地方,记忆中超级无敌大,而且非常多林林总总嘅手工艺品,家具摆设,本打算呢一次可以大扫特扫,为新居铺路*\(^_^)/*,点不知道。。。今时今日嘅乍都乍市场已经面目全非,每一个摊位几乎一模一样,卖男装T-Shirt居多,另外,可以的话奉劝大家尽量唔好响呢度享受你地嘅脚底按摩,实在马马虎虎








P.S呢一个食档必吃喔!真心觉得好好吃,苏东鲜爽弹牙,泰式辣椒酸酸辣辣,劲滋味,开胃辣!正啊

📌JODD FAIRS
呢一个地方刺激咯!
话说当晚战利品欣赏完毕,打算出门口享受一个火辣辣嘅“火山排骨”,突然间狂风大雨,落狗屎,等待N个世纪之后,雨势稍微细少少,跟住我地决定经历一个浪漫嘅雨中飞Tuk Tuk,开心到无朋友。画面马上转换至Jodd Fairs,正当大家踏出自己优雅嘅步伐打算直达食档,点不知道。。。雨势越来越大,积水越升越高,8个人嘅Adidas / Nike / Puma波鞋眼见猪笼入水,最后门口嘅拖鞋地摊变成我地嘅一道曙光,我地蜂拥而上,卖主一度以为我地系劫匪,哈哈哈~过程实在难忘,但系相当开心O(≧▽≦)O















Anne Elizabeth The Deli Restaurant

一间无菜单嘅西式餐厅,特色:You Choose,You Pair,We Cook,We Serve,N年前,试过一次它地嘅食物,真心觉得非常美味,最受欢迎嘅理所当然系西班牙黑毛猪Iberico Pork Chop咯!不过其余都好好吃,香肠绝对系必吃,而且它地仲提供新鲜食材俾食客购买返屋企自己烹调,食肉兽们千万唔好错过喔!







Anne Elizabeth The Deli Restaurant
1, Jalan Manis 4 Taman Segar Cheras, 56100 Kuala Lumpur.
Tel : 016-376 6180
营业时间:12pm - 10.30pm,星期五休息(Pasar Malam)

两年后的第一次旅程~曼谷Day 1

自从上一轮日本北海道旅程之后,足足两年面对沉闷无趣嘅生活,所谓:没有旅行的日子,不叫生活,那叫凑活。。。适逢MCO两年之后各州各国开始陆陆续续开放,而且朋友们群情激昂,决定来一个狂食,狂饮,狂扫货嘅曼谷Trip,实践一个旅游购物两不误嘅旅程

曼谷,好耐冇见,我地来啦!!!

📌KLIA2 - BKK (SUVARNABHUMI AIRPORT)
我嘅记忆中两年前开始KLIA2已经开始施行自助check in,本以为非常快捷,但系。。。系统存在漏洞,而且非常不便,6人check in,既然2人显示问题,需要另外排队经由工作人员check in,甘样倒不如直接排队更加快捷,无言啊!唯一觉得开心嘅事情系飞机提早20分钟降落,嘿嘿嘿,我地嘅曼谷4日3夜Trip,正式启动扫货模式卢






📌HUA CHANG HERITAGE HOTEL
呢一间5🌟酒店性价比高,无论性能同价格都唔错一下,性能方面,进入酒店嘅时候,有一股清清淡淡嘅香味,房间里面拥有平板控制灯具开关,仲有智能马桶同泡澡浴缸,而且房间超级无敌宽敞,本人超级稀饭,至于价格大概350++/1晚左右,唯一缺点系地点有少少偏离市中心,不过行路至BTS只需要7分钟




📌PE AOR TOM YUM KUNG NOODLE
每一次来临曼谷一定一定一定必吃嘅美食,两个人分享一碗招牌龙虾面岩岩好,由于之前人丁单薄,两个人只能够叫一两样主食,今日终于可以叫一大堆主食小食,大吃特吃,哗咔咔咔*\(^_^)/*








📌CHOCOLATE VILLE
游客必打卡嘅小景点,适合情侣同小朋友影相食饭,但系地点与市中心距离大概1小时左右,由于景点唔大,所以基本上光临一次两次就已经足够,门口征收入门票,不过门票可以换取景点里面嘅食物或者饮品,所以入门票系免费喔
















📌NARA THAI CUISINE - SIAM PARAGON
呢一间泰式料理餐厅绝对必吃喔!它地无论系主食小食或者甜品全部都非常美味,而且最重要系【有朋自远方来 不亦乐乎】,多谢一对泰国夫妇朋友仔宴请我地,唔好意思,破费啦













📌CHINA TOWN
之前许多次泰国Trip,我地既然未曾来过,大意咯!唐人街不管早上晚上美食都应有尽有,可惜岩岩晚餐过分左,所以宜家自食其果,只能够食一个面包充当宵夜,唉~我嘅海鲜晚餐,只能远观不可亵玩焉啊