泰国hea一下～华欣 Day 1

由于我地两条水嘅结婚周年响学校假期期间，所以就算系AirAsia廉价机票，价钱依然稍微高少少，一人差唔多五至六百块左右，而我地呢一次嘅主要目的地系华欣，经过我一轮搜索后，决定使用最经济嘅途径出发，但系，我千算万算，算漏左曼谷嘅天气与交通状况，导致我地同曼谷嘅交通纠缠左足足一日嘅时间，不过，我地反而觉得系旅行嘅另一种体验～～～

• 泰国时间9时30分左右到达廊曼机场，我地发生第一个意料之外，由于一到达机场就落大雨，导致工作人员冇办法上落行李，而我地就无端端浪费左一个小时嘅时间响等行李上

•  机场Gate 6出口，门口有一个AOT巴士站，话说之前巴士可以直接到达A2 - Victory Monument，搭Mini Van嘅地方，但系A2早已经冇巴士行呢一条路线，所以我地唯有搭A1嘅巴士去BTS - Mo Chit，巴士30Baht

• BTS - Mo Chit至Victory Monument，BTS 31Baht

• 本以为到达Victory Monument就可以搭Mini Van去华欣，点知道原来呢一度嘅Mini Van站早已经搬迁至另一个地方，吓～～～我地两条水当时候傻左，最后经过响information得到嘅资料，我地必须搭的士去Sai Tai Pinklao Mini Van Station，经过一轮天气与交通嘅折磨下，我地最后先之搭的士200Baht / 二人加Mini Van 180Baht顺利地响泰国时间6时左右到达华欣

***Jetty Huahin Hostel***

一对母子经营嘅民宿，有一种家嘅感觉，房间对海滩，可以睇到日出日落，顶楼仲有一个半露天嘅露台可以俾旅客响个度hea，而且民宿去夜市只需要行路5分钟左右，美中不足嘅系冇电梯同房间隔音差，不过，对我地并冇影响，其中有一段小插曲系由于我订房嘅时候，有注明我同大少系度蜜月，它地仲细心地帮我地布置房间，当打开房间嘅一刹那，感觉好幸福，当日嘅周居劳顿马上一扫而空

***华欣夜市***

整整一条街嘅美食，对于我呢一个吃货，简直系一种折磨，我一个人一个胃，点能够将全部美食尽收肚内，不过，首要当然系响龙虾出发咯！1300Baht一只龙虾，唔知道是否系工价，但系对于我地系可以接受嘅范围，因为我地两条水单单叫一碟蚝煎同一只龙虾就已经觉得爆肚，一开始打算扫街嘅念头，已经有心无力

SCKLM 2017

又一届，开跑的节奏
上届Rank - 3837 & Gun Time - 01:48:49:13 / Net Time - 01:45:40:18至今届Rank - 2334 & Gun Time - 01:37:24:07 / Net Time - 01:34:24:62，虽然依然超过左1小时30分钟嘅限定时间，但系成绩明显进步左少少，心内边实在为自己觉得鼓舞，希望下届下下届下下下届可以越来越快，快到见唔到影，哗咔咔咔～～～

妈咪节@华总

一年一度嘅妈咪节，除左远在星加坡嘅表弟同英国嘅契细佬之外，全部人齐齐出席，简直可以用济济一堂来形容，呢一次由我地四位“表表者”女将揸大旗，负责嘅部分～当然系埋单咯！

皇宫海鲜酒家@中华大会堂（华总）

4KG鱼真系唔系讲玩笑，闹着玩，绝对足够另每一个人饿住肚来，捧住肚走，甘样吃法，简直觉得自己可恶到极点，往后嘅日子，我到底需要跑几多K先之能够减低呢一份可恶嘅罪恶感啊！！！（默默计算中）唉～～～之后，当一道又一道嘅美食摆响我嘅面前，我。。。早已经将心中嘅计算机抛诸脑后，忘记得一干二净，完全冇抵抗力可言。

华联斐翠酒家

正所谓“爱吃的女孩不会变坏”，哈～所以我绝对系一个切切实实嘅好女孩喔！
今日主角～朋友仔叔叔坐飞机带返来嘅好料～北京油鸡，再经过大厨师人脉关系专程响华联翡翠酒家订一围枱加餸吃饭，果然系朝廷有人好办事，简直系开正正我呢一个吃货嘅胃，爽啊！

今日主角～北京油鸡