希望为即将完成嘅猪窝寻找一尊岩我同大少眼缘嘅【观自在菩萨】，由于大马市面上占70至90巴仙嘅观音菩萨形态都偏向直立或者打坐，但系观自在菩萨一改佛教嘅成规，右腿曲蹲，左脚轻踏荷叶，重心落响左胯，右手轻抬微翘，左手为支撑点，无拘无束，自由自在，其姿态出色地突现左观音流畅嘅线条同优美嘅身段，令人越望见越欢心，所以最后我地决定新居安放观自在菩萨。
决定之后，由于大部分观音菩萨林林总总都系属于打坐形态，而且一唔岩眼缘，二彩色版（个人唔系好喜欢彩色版）所以困难重重，但系经过我地寻寻觅觅左足足三个月嘅时间，终于稍微有少少眉目，以下系比较岩我地眼缘嘅观自在菩萨，你地估下最终我地嘅选择系。。。边一尊？
木雕版~价钱非常昂贵，大概13千左右，但系雕刻上栩栩如生，简称一尊艺术品
陶瓷版~价钱比较和谐，大概2千左右，来自中国福建，需要自己安排运输，由中国至大马，担心包装方面嘅问题，毕竟睇唔到摸唔到，假如收到断手断脚，根本无办法要求卖家赔偿
陶瓷版~价钱非常岩心水，大概1千左右，同样来自中国福建，但系本地有实体店铺，最后。。。我地决定请返屋企，之后我先之发觉呢一尊观自在菩萨大有来头，来自一位刘松青大师嘅手作
No comments:
Post a Comment