我の猪猪网

槟城2D1N本Pea游

距离上一次我同大少去槟城已经相隔整整四年时间，而且今年我地两条水都未曾二人世界齐齐出去旅游，所以趁此机会就选择左结婚周年期间去槟城渡过一个2D1N本Pea游，饮饮食食，放松一下。。。

品珍酒楼 ★★★☆☆
81历史嘅一间酒楼，虽然大部分朋友都讲话它地已经慢慢失去昔日的古早味，但系我地依然次次去槟城都特意经过呢一个地方吃一碗至爱嘅鸭腿面加上大大粒云吞，先之觉得不枉此行

槟城渡轮 ★★★★☆
已经唔记得那些年边年边月边日坐槟城渡轮嘅日子，所以。。。必须经历多一次，但系。。。当我地架嘟嘟车驾驶上去之后，我地两条水齐齐觉得有一股岩岩鸭腿面响喉咙嘅感觉，为啥浪下浪下浪下，晕

P.S.午夜凶铃真人版，哗咔咔咔～～～

Lavish Fusion Bakery ★★★★☆
网上超级火红嘅一间咖啡馆，我绝对系冲着它地嘅猫山王榴莲甜品而来，甜甜圈上面铺上榴莲雪糕加上爆米花，饼干圈，棉花糖，但系又甜而不漏，正，强力推荐，持续流口水ing

Lone Pine Hotel ★★★★★
我们2D1N Batu Ferringhi嘅住宿，一个字。。。赞，环境非常宁静，虽然并非靠近市中心，但系酒店房间可以享受一个露天泡泡浴，而且露台可以睇见游泳池同海滩，夜晚觉觉猪嘅时候仲可以听见海浪声，非常舒服，绝对系度蜜月嘅好地方，仲有仲有仲有。。。它地嘅早餐选择多样化又好好吃，食货嘅至爱

新关仔角小贩中心 ★★☆☆☆
唯一觉得后悔到此一吃嘅地方，完完全全镗游客嘅黑点，食物贵夹唔饱又麻麻地

浮罗池滑巴刹 ★★★☆☆
槟城朋友仔因为睇见我地岩岩吃不尽兴嘅猪样，所以马上载我地去呢一个槟城人必吃嘅巴刹吃地道宵夜，解救我地嘅胃，果然。。。一样嘅蚝煎不一样嘅味道，只系蚝嘅份量新关仔稍微优胜

阿凡达秘密花园 ★★★★☆
靠近Batu Ferringhi嘅一个秘密花园，位于大伯公庙同海珠屿海鲜旁边，本来念住来呢一度吃一个盐焗蟹，点知道，我地到达嘅时候已经超过营业时间，白白错过，认真可惜，不过，当睇见仿似阿凡达电影一样嘅灯饰，坏心情马上一扫而空

格成茶室 ★★★★☆
榴莲红豆冰，我至爱嘅榴莲加上至爱嘅红豆，简直绝配

My Voice Cafe（大碗面）★★★☆☆
拉面普普通通，碗系主角，面系配角，价钱稍微贵，如果尚未尝试人士，可以试一试，但系绝对唔系必吃

Home Sweet Home

水果芝士蛋糕

材料：
第一层
Digestive全麦消化饼 8块
黄油（根据消化饼适量控制）

第二层
芝士蛋糕粉 500gm
鲜奶油 125gm
水 375gm

第三层
泰国美人鱼燕菜粉 1/3包
龙眼罐头 1罐
芒果 2粒

做法：

首先，将黄油放入去饭煲隔水融化，等待期间，顺便将消化饼放入去透明纸袋压碎，避免压唔碎，可以使用搅拌机打碎，之后将已经打碎嘅消化饼加上已经融化嘅黄油用搅拌刀搅一搅，搅拌均匀再倒入蛋糕模具，铺平压平，形成第一层蛋糕根基，放入去雪柜冰一冰。
之后，开始第二层芝士蛋糕，将芝士蛋糕粉加鲜奶油加水（水建议用冰水，教导我嘅师傅讲话比较滑溜）放入去蛋糕搅拌机顺时针搅拌5分钟左右，直到无粒状为止，完全之后，将之前已经放入去雪柜嘅蛋糕根基攞出来，倒入第二层蛋糕芝士，用搅拌刀将蛋糕芝士铺平，再放入去雪柜冰大概四个小时以上。
四个小时以上之后，首先将龙眼罐头内面嘅龙眼取出，围绕住蛋糕芝士表层铺上，再将芒果去皮切粒铺响中间，最后煮燕菜粉，燕菜粉加上龙眼水开火煮滚，煮滚后，将燕菜水倒入芝士蛋糕上面，等待燕菜水定型后，再放入去雪柜做最后一次冷冻。
半至一小时之后，将蛋糕从雪柜取出脱模，放上去蛋糕盘上，水果芝士蛋糕完成。

弘益大学 ❀ 宫崎骏精品专卖店
今晚韩国时间11:25飞机，由于我地嘅住宿系Airbnb民宿，并无服务柜台，所以。。。我地非常头痛嘅行李要如何处置呢？？？“行李保管”价钱大概马币28蚊左右一个，平均一个人二至三个行李，单单行李保管五人已经300蚊，哗捞耶，非常唔符合经济效益，最后。。。我两位朋友仔因为早上好心帮助左一位婆婆搬某重物，所以打算拜托他借一借他嘅门口俾我地寄放行李，而婆婆又非常爽快地答应左，哈～真系好心有好报，俾我两位朋友仔100个like，立刻解决左我地无处容身嘅行李问题，又可以继续去行街街，超级开心

弘益大学 Hongik University
交通：搭乘地铁2号线，弘大入口站9号出口，左转直走
开放时间：全天开放
门票信息：免费开放
P.S.与梨花女子大学相同类型，所有售卖嘅衫裤鞋袜价钱都大同小异，但系可能前者商铺主要靠近梨花女子大学嘅关系，所以售卖嘅物品都偏向女性，相反弘益大学大部分包包比较多