梦

唔知係唔係呢排个人太攰，所以禽晚一连发左两个梦，个两个梦仲几真下，不过瞓醒之后就唔多记得，真係有滴好无力嘅感觉！个两个梦其中一个係我竟然发梦到我过咗身嘅阿嬤返来屋企睇我，之从我阿嬤啱啱过身个时梦过她一次之外，就好耐都无再见过她啦！唔知係唔係因为自己有时候太过挂住她，朦朦胧胧间我仲记得我一见到她老人家就揽住她唔放，好像好惊自己一放手她就会好像她过身前连最后一句说话都无讲就去咗，不过最后我同我嬤都坐咗响我房间张床度倾咗好耐（唔係好记得倾滴咩嘢，仲之係倾咗好耐啦），所以就算係发梦都好开心可以见到她老人家，不过瞓醒嘅时候，我感觉到自己嘅眼角有泪水流出来，可能最终都係好唔舍得她呱！另外一个发梦嘅对象仲更加犀利，个一个人就係今期响FACEBOOK好热爆加好多人都知道嘅。。。。。灯灯灯，我地嘅风云人物之醉酒狂徒何生，大家係唔係好奇怪点解我会发梦到他叻！唔知係唔係自己禽日响FACEBOOK写他滴嘢太多，所以就日有所思夜有所梦，不过你地咪误会我中意他，响我个梦内边他就真係惨，事关他係比我打到趴地个只，可能响我个内心心处係好想打呢一个饮咗几杯屎水就响度乱水加唔尊重女人嘅男人！何生，我个人奉劝你老人家以后咪饮咁多酒，事关唔係个个饮醉酒都可以控制自己，你最唔要得係竟然公然讲饮醉酒强奸无罪，你话你咁样嘅行为係唔係应该拖出去打叻！